Добивате: 
Патување за 8 - ми март
*Прекрасно патување во Истанбул.
• Автобуски превоз на релација Скопје- Истанбул – Скопје
• Организиран трансфер од Прилеп
• 2 ноќевања во хотел со појадок
• Разгледи на градот и сите главни знаменитости со локален водич.
• Придружник од агенцијата во текот на целото патување
• Организација на патувањето
• Прекрасна можност да ги посетите прекрасните делови на моќниот Истанбул. 
Појаснување: 
• Пред купувањето на ваучерот, задолжително направете предрезервација - јавете се на 048 413 165 или на 076 819 994 и информирајте се дали има слбодни места. 
• По добиената потврдна информација купето го ваучерот. 
• Еден ваучер во вредност од 6.138 ден. е наменет за едно лице.
• По купувањето на ваучерот јавете се во агенцијата за да ја потврдите претходно направенате предрезервација.
• Реализација на патувањето - 08.03. - 11.03.2018
Програма на патувањето: 
1 Ден - 08.03.2018 (ЧЕТВРТОК) Скопје – Истанбул
Собир на групата на паркингот наспроти хотел Холидеј Инн во 16:00ч. Со подготвени изненадувања од агенцијата весело го започнуваме патот од Скопје, преку Грција до Истанбул. Ноќно возење со попатни паузи за одмор и царински формалности.
2 Ден - 09.03.2018 ( ПЕТОК) Истанбул
Пристигнување во Истанбул во утринските часови.
Со првиот поглед на градот пристигнуваат и одговори за сите љубопитни срца и вљубеници во културата и патувањето. Возиме преку еден од Босфорските мостови до главната разгледна точка на Азиската страна, брдото Џамлиџа, од каде почнува нашата авантура. Прекрасниот панорамски поглед истовремено ќе ни го одземе здивот и ќе ни ги наполни батериите со енергија за исполнетиот ден што не очекува. Посетата тука трае од 30-40мин, местото е погодно да се освежите, можност да го пробате традиционалниот турски чај и секако да направите неверојатни фотографии кои нема да останат само во вашиот апарат туку вечно ќе се врежат и во вашиот ум. Сместување во хотел, Слободно време за oдмор Попладне организиран  разглед на Истанбул.
Разгледот  започнува  со стариот Хиподром, кој не бил еден од најспектакуларните објекти во градот, но претставувал центар на општествено-политичкиот живот во главниот град на империјата и централно и омилено место за собирање на населението од градот, место каде се одржувале гладијаторски борби и трки со коли. Околу него се наоѓаат Џамијата Султан Ахмед, поради своите бои – сина, зелена и бела кои доаѓаат од употребените материјали – плочка и порцелан, во Европа исто така е позната и како Сина џамија и е првата џамија во Османлиската империја, која има 6 минариња. Продолжуваме кон сарајот на Ибрахим Паша, амамот на Хурем, Аја Софија, позната и како Црква на светата мудрост е единствениот храм на светот кој бил црква, џамија, музеј и повторно црква и секако Топ Капи палатата која била главното седиште на администрацијата на Османлиската империја, претставувала место каде се одржувале голем број на државни конференции, совети и забави на султанот, а денеска претставува музеј кој има непроценлива колекција на споменици и уметнички дела. Овде се наоѓа и мечот на пророкот Мухамед. Влезниците за посета на Топ Капи и Аја Софија се факултативни и по желба.Од тука продолжуваме кон Капали Чаршија – најголемиот пазар во Европа истовремено еден од најголемите и најстарите покриени пазари во светот. Со повеќе од 3000 продавници сместени низ шармантните улички, во него може да се најде се што замислувате, од текстил, сувенири, храна.. Бескрајни можности за шопинг, каде жената се чувствува како дете во слаткарница. А шармот и љубезноста на добро познатите трговци сигурно ќе ве убедат да купите или да пробате традиционален производ. По слободното време за шопинг или можност за индивидуални или факултативна посета на  Sapphire Seyir Terasi највисоката “Тераса” во Европа, од каде се добива прекрасна панорамска глетка кон градот, како и можност преку четиридимензионалното небесно возење до хелихоптер над Истанбул да ги посетите најзначајните знаменитости: Босфор, Галата Мостот, Девојачката Кула… Враќање во хотел Ноќевање.
3 Ден - 10.03.2018 (САБОТА) Истанбул
Појадок  Слободно време или  факултативно крстарење по БосфорПрограмата започнува со посета на Цариградската Патријаршија од каде продолжуваме на релаксирано крстарење по Босфор кое нуди сосем различен поглед на Истанбул од претходниот, но воедно и уникатен начин да се видат сите знаменитости без да се заморите. Преку Босфорот ќе го доживеете Истанбул како да листате страници од книга, секоја со нова приказна, преку која историјата на овој град дише и живее. Крстарењето е со приватен брод и трае околу 90мин. За време на крстарењето локалниот водич ќе ни раскаже се што може да видиме од најпознатите стари куќи кои ќе ги препознаете од популарните турски серии. Факултативна посета на  палатата Долма Бахче Сарај, последната резиденција на султанот која е претворена во музеј со непроценлива збирка.Враќање во хотел, Можност за организирана прослава во ореинтален ресторан (факултативно).Ноќевање.
4 Ден - 11.03.2018 ( НЕДЕЛА) Истанбул - Македонија
По појадокот, организирана посета на еден од најпознатите шопинг центри Форум. Крајот на нашата авантура го комплетираме со релаксиран шопинг и сувенири за најмилите дома; факултативна посета на Аквариум кој е сместен во самиот шопинг центар. Собир на групата и поаѓање за Македонија во 13:00 часот.
• Во цената на аранжманот НЕ е вклучено: Крстарење по Босфор – 15€ - мин 30 патници; Влезница во Топ Капи – 15€; Влезница во Аја Софија – 15€; Влезница во Долма Бахче Сарај – 25€; Посета на терасата Сафир со 4Д проекција – 20€; Вечера во ориентален ресторан  – 30€; Патничко осигурување 150 ден.
• За патувањето важат општите услови на Агенцијата.